வெப்ப நடவடிக்கைக்கு நிதியுதவி மற்றும் நிதி ஆதரவு வழங்குதல் பாடத்திட்டத்திற்கு வரவேற்கிறோம்! வெப்ப நடவடிக்கைக்கு நிதியுதவி மற்றும் நிதி ஆதரவு வழங்குதல் பாடத்திட்டம் வெப்ப மீள்திறன் மற்றும் தயார்நிலை நடவடிக்கைகளால் ஏற்படக்கூடிய வாய்ப்புள்ள பலன்களை எப்படி அளவிடுவது என்பதற்கு வழிகாட்டுதலை வழங்குகிறது, மேலும் நிதியுதவி மற்றும் நிதி ஆதரவு வழங்குவதற்கான ஆதாரங்களைக் கண்டறிகிறது.

வெப்ப மீள்திறனில் முதலீடு செய்வதில் எப்போதும் புதிய நிதி அல்லது நிதியுதவி ஆதாரங்கள்  தேவைப்படுவதில்லை. பெரும்பாலான சூழ்நிலைகளில், வெப்பம்- சார்ந்த பரிசீலனைகளை தற்போதுள்ள அல்லது தொடர்ந்து செயல்படுத்தப்படும் திட்டங்கள், வழிகாட்டுதல்கள், மற்றும் திட்டப்பணிகளில் குறைவான கூடுதல் நிதிச் செலவிலேயே ஒருங்கிணைக்க முடியும். எனினும், வெப்பம்- சார்ந்த திட்டமிடுதல் மற்றும் திட்டப் பணிகளுக்கு புதிய மூலதன முதலீடு மற்றும் அர்ப்பணிக்கப்பட்ட செயல்பாட்டு பட்ஜெட் ஆகியவையும் தேவைப்படலாம். பூகோலப் பின்னணி, அரசு அமைப்பு, திட்டப் பங்காளர்கள், உள்ளூர் ஒழுங்குமுறைகள், கிடைக்கக்கூடிய பட்ஜெட்டுகள், மற்றும் கடன் தகுதிகள் ஆகிய காரணிகள் கிடைக்கக்கூடிய வளங்களை பாதிக்கும். ஒரு வழங்கப்பட்டுள்ள திட்டப்பணியில் வாய்ப்புள்ள பலன்களை—பொருளாதாரம் மற்றும் ஆரோக்கியம் சார்ந்த பலன்கள் ஆகிய இரண்டும்—அடையாளம் காண்பது என்பதும் நிதி ஆதாரம் மற்றும் நிதியுதவி வழங்குதல் தொடர்பாக தகுதியானதாக்க ஒரு முக்கிய படிநிலையாகும்.

வெப்ப மீள்திறனுக்கான நிதியுதவி மற்றும் நிதி ஆதரவிற்கான ஆதாரங்களில் அரசு நிதிகள் அல்லது அரசு-தனியார் கூட்டு முயற்சிகள் முதல் வர்த்தக அல்லது சலுகைக் கடன்கள் மற்றும் உள்ளூர், பிராந்திய, அல்லது தேசிய அரசுகள் மூலமாக வழங்கப்படும் மானிய நிதியுதவிகள் மற்றும் மனிதநேய, வளர்ச்சி மற்றும் கொடையளிக்கும் நிறுவனங்களின் நிதியுதவிகள் வரை அடங்கும். உங்களது தேசிய அரசுடன் பணியாற்றுவது அமெரிக்காவில் பணவீக்கத்தைக் கட்டுப்படுத்தும் சட்டத்தின் மூலமாக நிதியுதவி வழங்குதல் போன்ற நேரடி நிதியுதவிக்கான, அல்லது பசுமை பருவநிலை நிதி அல்லது உலகளாவிய சுற்றுச்சூழல் அமைப்பு போன்ற சர்வதேச அமைப்புகள் மூலமான புதிய நிதியுதவிகளுக்கான வாய்ப்பையோ உருவாக்கும்.

வெப்பம் பல்வேறு-பகுதிகளில் ஏற்படுத்தும் தாக்கங்களின் காரணமாக, பல்வேறு வகையான நிதிகள்–சுகாதாரத்திற்கான, மின்னாற்றல் செயல்திறனுக்கான, அவசரக்கால நடவடிக்கை போன்றவற்றுக்கான–நிதிகள் வெப்ப மீள்திறன் திட்டப் பணிகளுக்காக பயன்படுத்தப்படலாம். உங்களது தேடலைத் துவங்கும்போது பல்வேறு துறைகள் மற்றும் நிதி ஆதாரங்களையும் விரிவாக தேடுங்கள்.

நிதியுதவி ஆதாரங்கள்

• அரசுகளுக்கு இடையிலான பரிமாற்றங்கள்
• வரிகள்
• நில மதிப்பினை பிடித்தம் செய்தல்
• பயனர் கட்டணங்கள்/சுங்க வரிகள்
• இதர பயன்களுக்காக அபராதங்கள்/தண்டத்தொகைகள் திருப்பி விடப்படுதல்
• அதிகாரப்பூர்வ மேம்பாட்டு உதவி
• அர்ப்பணிக்கப்பட்ட பருவநிலை நிதிகள்

நிதியுதவி ஆதாரங்கள்

• வளர்ச்சி நிதி
• அரசு-வழங்கிய கடன்
• அரசு-தனியார் கூட்டு முயற்சிகள்

குறிப்பிடும்படியான அளவுக்கு குளிர்வித்தல் கட்டமைப்பைக் கொண்ட நகரங்களில் கூட, வெப்ப சம்பவங்களின் போது வெப்பம்-சார்ந்த அபாயங்கள் கடுமையாகும். ஒரு வெப்ப நிகழ்வு ஏற்படும்போது அதற்கான நடவடிக்கையை எடுப்பதற்கு (அல்லது தயாராக இருப்பதற்கு) செலவிட அரசிடம் போதுமான அளவுக்கு நிதி ஆதாரங்கள் இருப்பதை பேரிடர் அபாய நிதியுதவி சாதனங்கள், அதாவது காப்பீடு போன்றவை உதவுகிறது. இந்த நிதி சாதனங்கள் ஒரு வெப்ப அலை ஏற்படும்போது உயிர்களைக் காப்பாற்ற உடனடியாக எடுக்கப்பட வேண்டிய நடவடிக்கைகளுக்கும், விழிப்புணர்வு இயக்கங்களை நடத்துவதற்கு, குளிர்வித்தல் மையங்களை அமைப்பதற்கு, மற்றும் தொழில்கள், அரசுகள், நிறுவனங்கள், சமூகங்கள், மற்றும் விரிவான சுகாதார தாக்கங்களின் காரணமாக வீடுகளுக்கு ஏற்படக்கூடிய அதிகமான செலவுகள், குறைந்துவிடக்கூடிய உற்பத்தித் திறன் மற்றும் கட்டமைப்புக்கு ஏற்படக்கூடிய சேதம் ஆகியவற்றுக்கும் ஆகக்கூடிய செலவுகளுக்கு நிதி வழங்கும்.

உலகெங்கும், வெப்ப அலைகளின் போது அது குறித்த முன் கணிப்புகளின் அடிப்படையில் மனிதநேய உதவித் தொகைகளை வழங்குவது உள்பட வெப்ப அபாய பண மாற்றம் அல்லது அது தொடர்பான மனிதநேய நடவடிக்கைகளுக்காக பல்வேறு வகையான கட்டமைப்புகள் மற்றும் முன்னுதார சாதனங்கள் ஆராயப்பட்டு அல்லது உருவாக்கப்பட்டு வருகின்றன. இதற்கான ஒருசில உதாரணங்களில் பாக்கிஸ்தானின் கராச்சியில் ஸ்டார் நெட்வொர்க், வியட்நாம் ஹநோயில் சர்வதேச செஞ்சிலுவை மற்றும் செம்பிறை சங்கங்களின் கூட்டமைப்பு (IFRC), மற்றும் இந்தியாவின் தில்லியிலும், அமெரிக்காவின் கலிஃபோர்னியாவிலும் வர்த்தக விருப்பத்தேர்வுகள் ஆகியவை உள்ளடங்கும். இவை யாவும் ஒரு வெப்ப அலைக்கான நடவடிக்கை எடுப்பதற்கு நகரங்களுக்கு நிதி தேவைப்படும் சமயத்தில் அவர்களது கைகளில் நிதி இருப்பதை உறுதி செய்வதற்கான ஒரு புதிய முறைக்கான உதா ரணங்களாகும்.

வெப்ப மீள்திறன் நடவடிக்கைகளில் முதலீடு செய்வதால் மின்னாற்றல் செலவுகள், சுகாதாரப் பராமரிப்பு செலவுகள், மற்றும் கட்டமைப்பு சேதம் ஆகியவை குறையலாம், அத்துடன் இது தொழிலாளர் உற்பத்தித் திறனையும் மற்றும் இதர பலன்களையும் மேம்படுத்தலாம். முதலீட்டுக்கான ஒரு முறையாக இதை உருவாக்குவதற்கு இதன் முழுமையான பலன்களை மதிப்பிடுவது என்பது ஒரு முக்கியமான பகுதியாகும், அத்துடன் தாக்க நிதிப்பத்திரங்கள் போல, ஒருசில வகையான முதலீட்டிற்கு இத்தகைய பலன்களை தொடர்ச்சியாக அல்லது அதற்கு முந்தைய காலத்தில் இருந்தே அளவிடுவது என்பது ஒரு முன்நிபந்தனைத் தேவையாக இருக்கலாம்.