ஒரு வெப்பச் செயல்திட்டத்தை உருவாக்குதல் பாடத்திட்டத்திற்கு வரவேற்கிறோம்! ஒரு வெப்பச் செயல்திட்டம் என்பது வெப்பம்-சார்ந்த தாக்கங்களுக்கு நடவடிக்கை எடுக்கவும் அதைக் குறைக்கவும் பலதரப்பட்ட மதிப்பீடுகள் மற்றும் நடவடிக்கைகளை ஒருங்கிணைக்கிறது. வெப்ப செயல்பாட்டைத் திட்டமிடுதல் என்பது சமூக பங்காளர்களுடன் ஒன்றிணைந்து மேற்கொள்ளப்பட வேண்டும் மேலும் அதை தயார்படுத்துதல், அதற்கு நடவடிக்கை எடுத்தல், மற்றும் வெப்ப மேலாண்மையில் இருந்து மீளுதல் நிலைகளில் ஒருங்கிணைப்பினை அதிகரிப்பதற்காக பல்வேறு துறைகளைச் சேர்ந்த பலவகையான பொறுப்பாளர்களையும் ஒன்றிணைக்க வேண்டும்.

இந்த திட்டங்களில் அவசரக்கால எதிர் நடவடிக்கைகள் மற்றும் பல்வேறு துறைகளெங்கும் மேற்கொள்ளப்படும் நீண்டகால வெப்பத்திற்கு தயார்படுத்துதல் மற்றும் குளிர்வித்தல் நடவடிக்கைகள் ஆகிய இரண்டையும் உள்ளடக்கியிருக்க வேண்டும். அவை பெரும்பாலும் ஒரு நகராட்சி அரசின் பல்வேறு துறைகள்  மற்றும் உள் மற்றும் வெளி நிறுவனங்கள் ஆகியோருக்கு இடையே உள்ள பங்குகள் மற்றும் பொறுப்புகளை வலியுறுத்துகின்ற ஒரு ஏற்கப்பட்ட செயல்திட்டத்தை உள்ளடக்கியதாக இருக்கும்.

இந்த பாடத்திட்டம் முன்னனியான நடைமுறைகளில் காலூன்றிய ஒரு செயல்படுத்தக்கூடிய வெப்பச் செயல்திட்டத்தை உருவாக்க உங்களுக்கு உதவுவதற்கு  முந்தைய திட்டமிடல் படிநிலைகளை ஒருங்கிணைக்கிறது.

ஒரு வெற்றிகரமான வெப்பச் செயல்திட்டம் என்பது…

• அதிக வெப்ப-நலிவுநிலையிலுள்ள மக்களுக்கான தேவைகளின் அடிப்படையில் அந்த மேம்பாட்டு செயல்முறையின் ஆரம்பம் முதலே சமூக உறுப்பினர்கள் திட்டத்தை இணைந்து-உருவாக்குவதற்கான வாய்ப்புகளை உருவாக்குவதன் மூலமாக நடவடிக்கைகளை உருவாக்குதல்.
• கட்டிடக் குறியீடுகள் முதல் பொது சுகாதார தயார்நிலை நடவடிக்கைகள் வரையிலான முயற்சிகளை பரிசீலித்து ஒரு முழுமையான அமைப்பு சார்ந்த அணுகுமுறையை எடுத்தல்.
• தற்போதுள்ள ஒழுங்குமுறை கட்டமைப்புகள் மற்றும் திட்டமிடுதல் செயல்முறைகளிலே வெப்ப நடவடிக்கைகளை ஒன்றிணைப்பதன் மூலமாக வெப்ப திட்டமிடுதலை பிராந்திய நகர்புற திட்டமிடுதல் நீரோட்டத்துடன் இணையச் செய்கிறது.
• மிகக்கடுமையான வெப்பத்தின் தாக்கத்தை சரிசெய்யக்கூடிய நடவடிக்கைகளை செயல்படுத்துவதை விரைவுபடுத்துவதற்காக ஆதரவு திரட்டக்கூடிய ஒரு பொறுப்பான வெப்பச் சாம்பியன் அல்லது சாம்பியன்களின் குழுவை அடையாளம் காண்கிறது.
• மிகக்கடுமையான வெப்பத்தின் எதிர்மறை தாக்கங்களை குறைக்கக்கூடிய நடவடிக்கைகளின் வளர்ச்சியைக் பின்தொடர்கின்ற தெளிவான அளவீட்டைக் கண்காணிப்பதற்கான ஒரு சாத்தியமான அமைப்பினை உருவாக்கி அதை வரையறுக்கிறது.

வெப்ப அபாயங்கள் மற்றும் தாக்கங்களை விளக்குதல்

வெப்பச் செயல்திட்டங்கள் பெரும்பாலும் அந்த பகுதி எதிர்கொள்ளக்கூடிய வெப்பம்-சார்ந்த சவால்களை விவரிப்பதன் மூலமாக துவங்குகிறது– அதன் சாராம்சம் என்னவென்றால், திட்டமிடுதலும் நடவடிக்கையும் ஏன் அவசியமானது என்பதற்கான பின்னணியை நிர்ணயிக்கிறது. இந்த சவால்களின் கதையை தெரிவித்து அதற்கு ஆதாரத்தை வழங்கக்கூடிய பொதுவாக குறிப்பிடப்படுகின்ற இரண்டு தரவு வகைகள் யாதெனில்:

• வெப்ப அலை நாட்களின் எண்ணிக்கை (அல்லது மிகக்கடுமையான வெப்ப நாட்கள்), மற்றும் அந்த தொடர் நிகழ்வில் இருக்கக்கூடிய ஏதேனும் குறிப்பிட்ட போக்குகள்.
• வெப்ப வரைபடம் தயாரித்தல் அல்லது நலிவு நிலை வரைபடம் தயாரித்தல் என்பது முறையே குறிப்பிட்ட மக்கள்தொகை அல்லது பகுதியினர் எதிர்கொள்ளக்கூடிய வெப்ப மற்றும் நலிவுநிலை பாதிப்புகளை அடையாளம் காண்கிறது.

ஒரு திட்டத்தில் உள்ளடங்கக்கூடிய, தற்போதைய சம்பவங்கள் முதல் முறையான ஆய்வுகள் மற்றும் பருவநிலை மாதிரிகள் வரை, அபாயங்கள் மற்றும் தாக்கங்களுக்கான இதர உதாரணங்களுக்கு கீழே பார்க்கவும்.

ஒரு பகுதியில் மிகக்கடுமையான வெப்பத்தின் தாக்கம்

வெப்பத்திற்கு-ஆட்பட்ட மக்கள்தொகை

நடவடிக்கைகளை அடையாளம் காணவும் முன்னுரிமை வழங்கவும் உதவுவதற்கு, வெப்பச் செயல்திட்டம் என்பது பொதுவாக ஒரு மக்கள்தொகை மதிப்பாய்வை உள்ளடக்கியதாக இருக்கும், அதில் முக்கிய மக்கள்தொகை, குறிப்பாக மிகக்கடுமையான வெப்ப விளைவுகளின் அபாயத்தில் உள்ள மக்கள்தொகை சிறப்பித்து காண்பிக்கப்பட்டிருக்கும். இந்த மதிப்பாய்வுகள் பெரும்பாலும் எந்த வடிவில் வழங்கப்பட்டிருக்கும் என்றால்:

• நலிவுநிலையில் உள்ள மக்கள்தொகை அட்டவணை, இது வெப்பத்திற்கு-அதிகமாக ஆட்பட்ட அல்லது வெப்பத்தின் காரணமாக உடல்ரீதியான, சமுதாய, அல்லது பொருளாதார ரீதியான நலிவுநிலைகளைக் கொண்ட மக்களை அடையாளம் காண்பதன் மூலமாக அவர்களுக்கான பிரத்யேகமான இலக்கு சார்ந்த நடவடிக்கைகளை உருவாக்க அரசு அதிகாரிகளுக்கு வாய்ப்பளிக்கிறது.
• நலிவுநிலையை இனம்காணும் மதிப்பாய்வுகள், இது நிலம்சார்ந்த, வெப்பநிலை மற்றும் மக்கள்தொகையியல் தரவுகளைப் பயன்படுத்தி எந்த பகுதிகளுக்கு முதலீட்டிலும் வெப்ப அலை நடவடிக்கையிலும் முன்னுரிமை வழங்கப்பட வேண்டும் என்பதை முடிவுசெய்ய திட்டமிடுவோருக்கு உதவுகிறது.
• பண்புசார் அறிக்கைகள், இது வெப்ப பாதிப்பு அல்லது நலிவுநிலை குறித்த நேரடி அனுபவத்தை வலியுறுத்துவதற்காக சமூக மக்களின் கருத்துக்கள் மற்றும் கண்ணோட்டங்களை உள்ளடக்குகிறது.

தற்போதுள்ள வெப்பம்-சார்ந்த திட்டங்கள், நெறிமுறைகள் மற்றும் அமைப்புகள்

உள்ளூர் மற்றும் பிராந்திய அரசுகள் பெரும்பாலான நேரங்களில் பல்வேறு திட்டங்களைக் கொண்டிருப்பார்கள், அவை நகர்புற வெப்பத்தை குறைக்கக்கூடியதாக அல்லது அதிகரிக்கக் கூடியதாக இருக்கும். உதாரணமாக, நகர்புற மரங்களின் பரப்பினை அதிகரிக்கும் திட்டங்கள், ஆபத்தைக் குறைக்கும் திட்டங்கள், அல்லது முழுமையான திட்டங்கள் ஆகியவை  ஏற்கெனவே உருவாக்கப்பட்டு இருக்கலாம். தொழில் புரிவோருக்கு இந்த திட்டங்கள் குறித்த புரிதல் இருக்க வேண்டும் மேலும் ஒரு வெப்பச் செயல்திட்டத்தில் அவற்றை அங்கீகரித்து அவற்றை அடிப்படையாகக் கொண்டு உருவாக்க வேண்டும். முன்பு மேற்கொள்ளப்பட்ட முயற்சிகளின் இந்த ஒருங்கிணைப்பு, முந்தைய திட்டமிடுதல் முயற்சிகளில் ஏற்கெனவே வழங்கப்பட்டுள்ள சமூக மக்கள் உள்ளீடு மற்றும் முதலீட்டையும் அங்கீகரிக்கிறது.

ஒரு செயல்திட்டம் எந்த சுற்றுச்சூழலுக்குள் உருவாக்கப்பட்டு நடத்தப்படும் என்பதை விளக்குவதற்கு, வெப்பச் செயல்திட்டங்கள்,  தற்போதுள்ள வெப்பம்-சார்ந்த நெறிமுறைகள் மற்றும் அமைப்புகளையும் அங்கீகரிக்கலாம் (எ.கா. வெப்ப அலை துவக்க நிலைகள் அல்லது ஆரம்ப எச்சரிக்கை அமைப்புகள்).

• வெப்ப அலை துவக்க நிலைகள்: ஒரு வெப்ப அலைக்கான உலகளாவிய விளக்கம் எதுவும் இல்லை என்பதால், உள்ளூர் அல்லது தேசிய வெப்ப அலை துவக்க நிலைகள் குறிப்பாக ஆபத்துமிக்க வெப்பநிலைகளை விவரிக்கிறது.
• முன்கூட்டியே எச்சரிக்கை செய்யும் அமைப்புகள்: ஆபத்தான நிலைகள் குறித்து பொதுமக்களுக்கும் பங்காளர்களுக்கும் அறிவிப்பு வழங்குவதற்கு ஒரு நிர்ணயிக்கப்பட்ட ஆரம்பநிலை அல்லது பண்புசார்ந்த தாக்க மதிப்பீட்டு செயல்முறை ஆகியவற்றின் அடிப்படையில் வெப்ப எச்சரிக்கைகளை வழங்குதல்.

நடவடிக்கைகளின் வகைகள்

• திட்டமிடுதல் மற்றும் கொள்கை: புதிய ஒழுங்குமுறைகள், குறியீடுகள் அல்லது செயல் திட்டங்கள்
• தகவல்தொடர்புகள் மற்றும் களப்பணி: பொதுமக்கள் விழிப்புணர்வை அதிகரிப்பதற்கு அல்லது வெப்ப அலை மேலாண்மைக்கு முக்கியத்துவம் வாய்ந்த சேவைகளை வழங்குவதற்கான இயக்கங்கள்
• பசுமை மற்றும் இயற்கைக் கட்டமைப்பு: இயற்கை-அடிப்படையிலான பசுமை உருவாக்கம் மற்றும் தண்ணீர் தீர்வுகள்
• கட்டிடங்கள் மற்றும் கட்டப்பட்ட வடிவம்: கட்டிடங்களுக்கான புதிய தரநிலைகள் அல்லது கட்டமைப்பு புதுப்பித்தல்களின் அறிமுகம்

மிகக்கடுமையான வெப்ப மேலாண்மை அட்டவணை

சில வெப்ப மீள்திறன் நடவடிக்கைகள் தொடர்ந்து நடைபெறுவதாக இருக்கும்; மற்றவை வெப்ப நிகழ்வு(கள்) மற்றும்/அல்லது வெப்ப காலங்களில் பயன்படுத்தப்பட வேண்டும்.

உங்களது பகுதிக்கான மிகக்கடுமையான வெப்ப நடவடிக்கைகளை அடையாளம் காண்பதற்கான கூடுதல் வளங்களுக்கு, தயவுசெய்து பின்வரும் வெப்ப செயல்திட்ட தளப் பகுதிகளை ஆராயவும்: ஒரு கல்வி மற்றும் ஈடுபாட்டை ஏற்படுத்தும் உக்தியை உருவாக்குதல், வெப்பத் தகவமைப்புத் தீர்வுகளை ஆராய்தல் அல்லது வெப்ப செயல்பாட்டு தளக் கொள்கைக் கருவி.

முதன்மை பொறுப்பு நிறுவனம் அல்லது அதிகாரி மற்றும் அவர்களது முக்கிய கடமைகள்

ஒரு வெப்பச் செயல்திட்டத்தை உருவாக்கும் போது அந்த திட்டத்தின் மேம்பாடு, இயக்கம், செயல்படுத்துதல் மற்றும் கண்காணிப்பு ஆகியவற்றை ஒருங்கிணைப்பதற்காக ஒரு நியமிக்கப்பட்ட அதிகாரி அல்லது முன்னணி அரசு அமைப்பு போன்ற ஒரு முதன்மைப் பொறுப்பு அமைப்பு அடையாளம் காணப்பட வேண்டும்.

நிறுவனங்கள் மற்றும் தொண்டு நிறுவனப் பங்காளர்களின் பட்டியல்

விரிவான வெப்பச் செயல்திட்டத்தை திட்டமிடுதல் என்பது மிகக்கடுமையான வெப்பத்திற்கு ஒரு பயனுள்ள மற்றும் நீடித்த நடவடிக்கையாக இருப்பதை உறுதி செய்வதற்காக, அரசு, தொண்டு நிறுவனம், சமூகக் குழுக்கள் மற்றும் சமூக உறுப்பினர்கள் ஆகியோருடன் இணைந்து உருவாக்கப்படும் ஒரு முழுமையான முயற்சியாக இருக்க வேண்டும்.

உதாரணமாக, அமெரிக்காவில், மியாமி-டேட் மாகாணத்தின் மிகக்கடுமையான வெப்பச் செயல்திட்டத்தை உருவாக்கும் சமயத்தில், மிகக்கடுமையான வெப்பத்தைப் பற்றி தெரிந்துகொள்ளவும் செயல்பாடுகளைப் பரிந்துரைக்கவும் 298 குடியிருப்போர், பங்குதாரர்கள், மற்றும் வல்லுனர்களை ஈடுபடுத்துவதற்காக மியாமி-டேட் மாகாணம் பல பணிமனைகளை நடத்தியது. திட்ட மேம்பாட்டு செயல்முறை என்பது ஒரு பருவநிலை மற்றும் வெப்ப சுகாதார பணிக்குழுவின் வழிகாட்டுதலைப் பெற்றதாகும், அதில் சமூக உறுப்பினர்கள், சமூக மக்கள்-அடிப்படையிலான நிறுவனங்கள், மற்றும் இதர மாகான பங்குதாரர்களை உள்ளடக்கியதாகும்.

இந்தியாவில், தெலுங்கானா வெப்ப அலை செயல் திட்டத்தில் மற்றவர்களுடன் கூடவே, பேரிடர் மேலாண்மை ஆணையம், கால்நடை வளர்ப்பு மற்றும் மீன்வளத் துறை, பொது சுகாதாரம் மற்றும் குடும்ப நலத்துறை, இந்திய வானிலைப் பிரிவு,  தொழிலாளர் மற்றும் வேலைவாய்ப்புத் துறை, போக்குவரத்துத் துறை, பள்ளிக் கல்வித் துறை மற்றும் நகர்புற மேம்பாட்டுத் துறை ஆகியவற்றைப் பங்காளர்களாக கொண்டிருந்தது.

பொறுப்பான செயல்பாட்டாளர்களுக்கான நடவடிக்கைகளை இனம் காணுதல்

பொறுப்புள்ள செயல்பாட்டாளர்கள் அனைவருக்குமே தங்களது குறுகிய- மற்றும் நீண்ட-கால நடவடிக்கைகளுக்கான  பொறுப்புகள் என்ன என்பது தெரிந்திருப்பதை உறுதி செய்ய, ஒவ்வொரு ஏற்கப்பட்ட நடவடிக்கைகளுக்கும் பொறுப்பாக உள்ள தரப்பினரை அடையாளம் காட்டுகின்ற ஒரு அட்டவணை வெப்ப செயல்திட்டங்களில் இடம் பெற்றிருக்க வேண்டும்.

மிகக்கடுமையான வெப்ப நடவடிக்கைகளுக்கான செயல்படுத்தும் காலக்கட்டம்

நடவடிக்கைகளைச் செயல்படுத்துவதற்கான ஒரு தெளிவான எதிர்காலப் பாதையை உருவாக்குவதற்கு, வெப்ப காலம் மற்றும் வெப்ப சம்பவங்கள் ஆகிய இரண்டின்போதும் குறுகிய- மற்றும் நீண்ட-கால நடவடிக்கைகளைச் செயல்படுத்துவதற்கான ஒரு காலக்கட்டத்தை வெப்பச் செயல்திட்டம் கொண்டிருக்க வேண்டும்.

நிதியுதவி மற்றும் நிதி ஆதரவைக் கண்டறிதல்

வெப்பச் செயல்திட்டத்தில் அதன் பரிந்துரைகள் செயல்படுத்தப்படுவதை உறுதி செய்வதற்கு, அதன் முக்கிய குறுகிய-, நடுத்தர- மற்றும் நீண்ட-கால நடவடிக்கைகளுக்கான நிதியுதவி மற்றும் நிதி ஆதரவு ஆதாரங்கள் கண்டறியப்பட வேண்டும். மேலும் தகவலுக்கு, வெப்ப செயல்பாட்டிற்கு நிதி மற்றும் நிதி ஆதரவு வழங்குதல் பாடத்திட்டத்தைப் பாருங்கள்.

வெப்பச் செயல்திட்டங்களுக்கான மதிப்பாய்வின் ஒழுங்கு

வெப்ப செயல்திட்டங்கள் மிகக்கடுமையான வெப்பத் தகவல் மற்றும் தற்போதைய நலிவுநிலைகள் என இரண்டையும் பிரதிபலிப்பதாக இருக்க வேண்டும்; அது வாழும் ஆவணங்களாக பார்க்கப்பட வேண்டும், மேலும் தொடர்ச்சியாக புதுப்பிக்கப்பட வேண்டும். வெப்ப திட்டமிடுதல் செயல்முறை அந்த திட்டத்தை பங்குதாரர்களுடன் மதிப்பாய்வு செய்கின்ற ஒரு ஒழுங்கினை (ஒவ்வொரு 2 ஆண்டுகளுக்கு; ஒவ்வொரு 5 ஆண்டுகளுக்கு ஒருமுறை) ஏற்றுக்கொள்வதையும் உள்ளடக்கியதாக இருக்க வேண்டும்.

வெப்பம்- சார்ந்த சுகாதாரத் தாக்கங்களை தெரிவித்தல்

வெப்பம்- சார்ந்த மரணங்கள் மற்றும் நோய்களின் காரணங்கள் மற்றும் தீவிரத்தன்மை குறித்த புரிதலில் உள்ள இடைவெளியைக் கையாள்வதற்கு, வெப்பச் செயல்திட்டங்களில் அறிக்கையளிக்கும் படிவங்கள் சேர்க்கப்படலாம். இது வெப்பம்- சார்ந்த மரணங்கள் மற்றும் நோய்களுக்கு பங்களிக்கின்ற காரணிகள் தொடர்பான தரவு சேரிப்பதில் ஒரு சீரான தன்மையையும் முழுமையையும் உறுதி செய்யும்.

வெப்பச் செயல்திட்டங்களை கண்காணித்தல் மற்றும் மதிப்பிடுதல்

வெப்ப மீள்திறன் உக்திகள் யாவும் அவற்றின் திட்டமிட்ட இலக்குகளை அடைவதை உறுதி செய்வதற்கு, முக்கிய செயல்திறன் குறிக்காட்டிகள், கண்காணிப்பதற்கான காலக்கட்டம் (மாதாந்தம், காலாண்டு, ஆண்டு) மற்றும் மதிப்பீட்டை நடத்துகின்ற முதன்மைப் பொறுப்பு தரப்பு ஆகியவை உள்ளிட்ட ஒரு கண்காணிப்பு மற்றும் மதிப்பீட்டுத் செயல்முறையை வெப்பச் செயல்திட்டங்கள் உருவாக்க வேண்டும். மேலும் தகவலுக்கு, வெப்பச் செயல்பாட்டு பாடத்திட்டத்தை கண்காணித்தல் மற்றும் மதிப்பிடுதல் பகுதியைப் பாருங்கள்.